ปญฺญาจกฺขุนา สมฺปสฺสมาโน อทฺทส ปุพฺพเกหิ สมฺมาสมฺพุทฺเธหิ อนุยาตํ ตํการณา อาห
อทฺทสา โขหํ ภิกฺขเว โปรณํ มคฺคํ โปราณํ อญฺชสํ ปุพฺพเกหิ สมฺมาสมฺพุทฺเธหิ
อนุยาตนฺติ ฯ ปุพฺพกานํ มหาราช ตถาคตานํ อนฺตรธาเนน อสติ อนุสาสเก ลุตฺตํ
ปลุตฺตํ รูฬฺหํ ปิหิตํ ปฏิจฺฉฺนํ มคฺคํ ยนฺทานิ ตถาคโต สญฺจรณํ อกาสิ ตํการณา
อาห ตถาคโต ภิกฺขเว อรหํ สมฺมาสมฺพุทฺโธ อนุปฺปนฺนสฺส มคฺคสฺส อุปฺปาเทตาติ ฯ
อิธ มหาราช รญฺญ จกฺกวตฺติสฺส อนฺตรธาเนน มณิรตนํ คิริสิขรนฺตเร นิลียติ อปรสฺส
จกฺกวตฺติสฺส สมฺมาปฏิปตฺติยา อุปคจฺฉติ อปิ นุ โข ตํ มหาราช อณิรตนํ ตสฺส
ปกตนฺติ ฯ น หิ ภนฺเต ปากติกํเยว ตํ ภนฺเต มณิรตนํ เตน ปน นิพฺพตฺตนฺติ ฯ
เอวเมว โข มหาราช ปากติกํ ปุพฺพเกหิ ตถาคเตหิ อนุจิณฺณํ อฏฺฐงฺคิกํ สิวํ มคฺคํ
อสติ อนุสาสเก ลุตฺตํ ปลุตฺตํ รูฬฺหํ ปิหิตํ ปฏิจฺฉนฺนํ อสญฺจรณํ ภควา ปญฺญาจกฺขุนา
สมฺปสฺสมาโน อุปฺปาเทสิ สญฺจรณํ อกาสิ ตํ การณา อาห ตถาคโต ภิกฺขเว อรหํ
สมฺมาสมฺพุทฺโธ อนุปฺปนฺนสฺส มคฺคสฺส อุปฺปาเทตาติ ฯ ยถา วา ปน มหาราช สนฺตํเยว
ปุตฺตํ โยนิยา ชนิตวา มาตา ชนิกาติ วุจฺจติ เอวเมว โข มหาราช ตถาคโต สนฺตํเยว
มคฺคํ ลุตฺตํ ปลุตฺตํ รูฬฺหํ ปิหิตํ ปฏิจฺฉนฺตํ อสญฺจรณํ ปญฺญาจกฺขุนา สมฺปสฺสมาโน
อุปฺปาเทสิ สญฺจรณํ อกาสิ ตํการณา อาห ตถาคโต ภิกฺขเว อรหํ สมฺมาสมฺพุทฺโธ
อนุปฺปนฺนสฺส มคฺคสฺส อุปฺปาเทตาติ ฯ ยถา วา ปน มหาราช โกจิ ปุริโส ยํ กิญฺจิ
นฏฺฐํ ปสฺสติ เตน ตํ ภณฺฑํ นิพฺพตฺติตนฺติ ชโน โวหรติ เอวเมว โข มหาราช ตถาคโต
สนฺตํเยว มคฺคํ ลุตฺตํ ปลุตฺตํ รูฬฺหํ ปิหิตํ ปฏิจฺฉนฺตํ อสญฺจรณํ ปญฺญจกฺขุนา สมฺปสฺสมาโน
อุปฺปาเทสิ สญฺจรณํ อกาสิ ตํ การณา อาห ตถาคโต ภิกฺขเว อหรํ สมฺมาสมฺพุทฺโธ
อนุปฺปนฺสฺส มคฺคสฺส อุปฺปาเทตาติ ฯ ยถา ปน มหาราช โกจิ ปุริโส วนํ โสเธตฺวา
ภูมึ นีหรติ ตสฺส สาา ภูมีติ ชโน โวหรติ น เจสา ภูมิ เตน ปวตฺติตา ตํ ภูมึ
การณํ กตฺวา ภูมสามิโก นาม โหติ เอวเมว โข มหาราช ตถาคโต สนฺตํเยว มคฺคํ
ลุตฺตํ ปลุตฺตํ รูฬฺหํ ปิหิตํ ปฏิจฺฉนฺนํ อสญฺจรณํ ปญฺญาจกฺขุนา สมฺปสฺสมาโน อุปฺปาเทสิ
สญฺจรณํ อกาสิ ตํ การณา อาห ตถาคโต ภิกฺขเว อรหํ สมฺมาสมฺพุทฺโธ อนุปฺปนฺนสฺส
มคฺคสฺส อุปฺปาเทตาติ ฯ สาธุ ภนฺเต นาคเสน เอวเมตํ ตถา สมฺปฏิจฺามีติ ฯ

อนุปฺปนฺนสนฺส มคฺคสฺส อุปฺปาทปญฺโห ทสโม ฯ

ปญฺจโม วคฺโค ฯ

ฉฏฺฐวคฺโค

ภนฺเต นาคเสน ยทา โพธิสตฺโต ทุกฺกรการิกํ อกาสิ น ตาทิโส อญฺญตฺร
อารมฺโภ อโหสิ นิกฺขโม กิเลสยุทฺธํ มจฺจุเสนาวิธํสนํ อาหารปริคฺคโห ทุกฺกรการิกา ฯ
เอวรูเป มหาปรกฺกเม กิญฺจิ อสฺสาทํ อลภิตฺวา ตเมว จิตฺตํ ปริวตฺตาเปตฺวา เอวํ อวจ
น โข ปนาหํ อิมาย กฏุกาย ทุกฺกรการิกาย อธิคจฺฉามิ อุตฺตริมนุสฺสธมฺมา อลมริย-
ญาณทสฺสนวิเสสํ ฯ สิยา นุ โข อญฺโญ มคฺโค โพธายาติ ฯ ตโต นิพินฺทิตฺวา อญฺเญน
มคฺเคน สพฺพญฺญุตํ ปตฺโต ปุน จ ตาย ปฏิปทาย สาวเก อนุสาสติ สมาทเปติ
อารพฺภถ นิกฺขมถ ยุญฺชถ พุทฺธสาสเน
ธุนาถ มจฺจุโน เสนํ นฬาคารํ ว กุญฺชโรติ ฯ
เกน โข ภนฺเต นาคเสน การเณน ตถาคโต ยาย ปฏิปทาย อตฺตนา
นิพฺพินฺนรูโป วิรตฺตรูโป ปฏิมานรูโป ตตฺถ สาวเก อนุสาสติ สมาปเปตีติ ฯ
ตทาปิ มหาราช เอตรหิปิ สาเยว ปฏิปทา ตํเยว ปฏิปทํ ปฏิปชฺชิตฺวา โพธิสตฺโต
สพฺพญฺญุตํ ปตฺโต ฯ อปิจ มหาราช โพธิสตฺโต อติวิริยํ กโรนิโต นิรวเสสโต อาหารํ
อุปจฺฉินฺทิ ตสฺส อาหารอุปจฺเฉเทน จิตฺตทุพฺพลตฺตํ อุปฺปชฺชิ โส เตน จิตฺตทุพฺพลตฺเตน
นาสกฺขิ สพฺพญฺญุตํ ปาปุณิตุํ โส มตฺตมตฺตํ กวลึการาหารํ เสวนฺโต ตาย ปฏิปทาย
น จิรสฺเสว สพฺพญฺญุตํ ปาปุณิ ฯ สาเยว มหาราช ปฏิปทา สพฺเพสํ ตถาคตานํ
สพฺพญฺญุตญาณํ ปฏิลภาย ฯ ยถา มหาราช สพฺเพสํ สตฺตานํ อาหาโร อุปตฺถมฺโภ
อาหารํ อุปนิสฺสิตา สพฺเพ สตฺตา สุขํ อนุภวนฺติ เอวเมว โข มหาราช สาเยว ปฏิปทา
สพฺเพสํ ตถาคตานํ สพฺพญฺญุตญาณํ ปฏิลาภาย ฯ เนโส มหาราช โทโส อารมฺภสฺส
น นิกฺขมสฺส น กิเลสยุทฺธสฺส เยน ตถาคโต ตสฺมึ ขเณ น ปาปุณิ สพฺพญฺญุตญาณํ
อถ โข อาหารุปจฺเฉทสฺเสว โทโส สทา ปฏิยตฺตา สา ปฏิปทา ฯ ยถา มหาราช
ปุริโส อติเวเคน อทฺธานํ คจฺเฉยฺย เตน โส ปกฺขหโต วา ภเวยฺย ปีฐสปฺปิ วา อสญฺจโร
ปฐวีตเล อปิ นุ โข มหาราช ปฐวิยา โทโส อตฺถิ เยน น สญฺจรตีติ ฯ น หิ